Өрөмхөн бурамхан

2015 оны 05 сарын 02 өдрийн 15:37 цаг. Бие даалтын ажил, шалгалтандаа бэлдээд толгой өндийх завгүй өнгөрсөн 2 долоо хоногийг бодвол цас бударч хөнгөн салхи үлээсэн сэрүүхэн өглөө байсан ч амралтын нэгэн өдөр сэтгэл хангалуун, эрч хүчтэй сайхан сэрлээ.
Өглөөгүүр  гарч хувийн ажилаа амжуулчихаад өдөр эртхэн гэртээ ирээд хэсэг нүүр номоо ухлаа. Sweet kitchen гээд нүдтэй болгоны нүдийг хужирлаж, ходоод гэдэстэй бүхнийг хонхолзуулж , арааны шүлс юутай хээтэй нь гоожуулдаг, оюутан залуус за тэр дундаа над шиг хоол амттан бүхнийг тамшаалан таашаан байж иддэг ходоод гэдэс нь мангас болчихсон нөхдүүдийг амтат сайхан хоол , арааны шүлс асгаруулам талх нарийн боовны зургаар бөмбөгддөг айхтар групп байна аа. За тэгээд нэг шагайчихвал гарна аа гонж. Тэрийг нь ч идмээр, энийг нь ч хийж идмээр юун нөгөө турах гуалиг 90:60:90 Заа Халиука минь ээ ганц л амьдрана штээ яадын ид ээ ид алив идчих л дээ гээл дотор байдаг жижигхэээн хүн минь намайгаа ёрдож байгаамдаа хохо. Бага байхад эмээ минь тасархай амттай боорцог хайраад л өрөмтэй холиод ид гээд л өгдөг байж билээ. Боорцог их идчихээрээ хоол иддэггүй юм гээд л нөгөөхөө нуугаад тавьчихна. За тэгээд л  нуусан боорцогны эрэлд үнэрээр баримжаалаал явж өгнө шүү дээ :)) Пээ тэр амт , үнэр бүр ямар гэж санана . Юун энэ одоогийн үйлдвэрийн хөөсөн боорцогнууд. Өглөө бүр эмээ минь үнээгээ сааж ирээд тогоо дүүрэн сүү хөөрүүлж өгдөг байж билээ. Би ер нь хөдөөний хөөрхөн малчин охин болдог байжээ. Хааяа хааяа энэ их утаа униар, замын түгжээ , амьдралд нухлуулчихсан хүмүүсийн харц, битүү шавсан барилга байшингаас дэндүү их залхах юм. Хөдөө амьдардаг бол хичнээн сайхан. Цээж дүүрэн амьсгалах агаар , голын урсах чимээ шувуудын жиргээтэй уясаад ямар их амар амгалан бэ? Наад зах нь хүмүүс нь хүртэл хоорондоо амьд харьцаатай, хүн хүнээ ёстой ямар ч баггүй шороо үнэртсэн оригоор нь харна. Тэгсэн жижигхээн умбагар хотдоо шахцалдан чихцэлдэн ядаж яваа бид нарт нээрээ танихгүй мэдэхгүй хүн гэж алгаа. Бүгд фб , твиттерээр холбоотой. Гудамжинд бүр нээх харсан царай хэн билээ гээд нэр өгчихье гэсэн ч орж ирдэггүй дээ толгойд. Орой нь фб ухаж байтал нөгөө танил эр гараад ирэх нь тэр. Үхмэл харьцаанд хэт их уусаад байгаа юм болвуу даа чи ч би ч бид бүгдээрээ адил. За тэр ч яахав Лхагваа ахын хадуурдаг шиг юм болоод явчихлаа :)) Энэ их боорцог моорцог харан шүүрс алдаад шүлсээ гүд гүд хийлгээд сууж байтал ашгүй аав минь ороод ирлээ. Хоёр тор дүүрэн хүнс аваад ирж. Би чинь аймар нялхаараа гоё гоё юм харахаараа аймар баярладышт. Аав та , дүү бид хоёрт гоё гоё чихэр аваад ирсэн үү гээд л дүүтэй уралдаад тор ухаж байгаан. Тэгсэн яасан гээч хахахах бүхэл бүтэн 6 ширхэг талх, 4 уут боорцог гараад ирж байна. Өө юу вээ та нарийн боовны дэлгүүр дэлбэлсиймүү л гэлээ. Тэгсэн цаад өрөөнөөс ээж, аав чинь өлсчиж чааваас л гэж байна. Өө тэгээд өлсөхөөрөө ийм их нарийн боов авна гэж юу байдын талыг нь ч бараагүй байхад муудах юм байна нтр  гээл би наанаас үглээстэй хаха Тэгсэн ээж, аав чинь залуу байхдаа л өлсөхөөрөө учир зүггүй баахан талх чирээд л хүрээд ирдэг байсын яг хэвээрээ нтр хаха ер нь би гэрт боорцог бодож хэвтээгүй бол ийм ихийг авчирах ч байсан юм уу үгүй юм уу бүү мэд хохох. Би нэг маргаашнаас хэдэн оюутан найз нарыгаа дагуулж ирж дайллага цайллага хийж дундалдаг юм уу хахах Ер нь байна штээ нохой шувуу оюутан нтр хооллож ундлавал их буян хураадаг гэж Самдан багш хэлсээн гэж. Үгүй ээ ер нь чи амьдрах гэж иддэг юм уу идэх гэж амьдардаг юм уу? Хоолноос л нэг болно шүү Халиунаа болиорой чи зүгээр..

Гэхдээ л одоо ч өрөм тавьчихсан гэрийн боорцог нүдэнд харагдсаар...хаха